| Препорака за подобрување | Процент на намалување |
|---|---|
| Посебни минимални услови за добра земјоделска пракса и заштита на почвата | |
| За да се осигура соодветна залиха од јаглерод и да се спречи ерозија, земјоделската површина се покрива со растенија, стрништа и мулч во текот на вегетативниот период, освен помеѓу орањето и изртувањето. Во текот на зимскиот период, земјоделската површина се покрива со стрништа, мулч или се остава неизорана. Зимското орање е дозволено само кога е неопходно и во согласност со добрата земјоделска пракса. | |
| Земјоделците мора да спроведуваат мерки низ целото земјоделско стопанство за да се ограничи ширењето на неавтохтоните видови со инвазивен потенцијал. Во овие мерки спаѓаат: отстранување по пат на искоренување, косење, напасување, изорување и на други начини (употреба на хербициди) за да се спречи нивното ширење. Попис на неавтохтони видови со инвазивен потенцијал на коишто се однесува барањето: – Rudbeckia laciniata; lat: – Solidago canadensis; lat: – Solidago gigantea; lat: – Erigeron annuus; lat: – Ambrosia artemisifolia; lat: – други инвазивни видови утврдени со националните прописи | |
| На нивите со повеќегодишни култури се изведуваат минимални „земјоделски активности“, каде што земјоделска активност подразбира: - производство или одгледување на земјоделски производи, вклучително и жнеење - одржување на земјоделската површина во состојба погодна за производство без подготвителни активности, покрај вообичаените земјоделски техники и механизација | |
| Минимално управување со земјиштето значи спроведување на најнеопходните мерки во согласност со соодветната технологија, особено со цел да не се деградира земјиштето (ерозија, набивање, загадување) со несоодветна технологија. Ерозија на почвата подразбира распаѓање и разместување на почвените честици поради дејството на водата или ветрот врз почвата. Кога се планира заштитата на почвата од ерозија, предвид мора да се земат наклонот на земјоделското земјиште, неговата изложеност на дејството на водата или ветерот, како и времето и начинот на обработка на почвата (покрај другите фактори). Со орање по изохипси попречно на наклонот на теренот, земајќи го предвид соодветното време на орањето, во значајна мера може да се спречи ерозијата од вода. Набивањето на почвата најчесто е резултат на прекумерна употреба на земјоделската механизација во погрешно време. Чувствителноста на почвата кон набивањето се зголемува со поголема содржина на глина во неа и несоодветен состав на посевите (монокултура и кратко време на плодоред). За да се спречи набивањето на почвата, предвид треба да се земат употребата на погодна земјоделска механизација при погодни почвени услови, плодоред, различни длабочини на орањето согласно потребите на растенијата, повремено длабинско растресување и одржување на одводнувањето. | |
| Жетвените остатоци се богат извор на органски материи, кои се од суштинско значење за плодноста на почвата. Добрата земјоделска пракса налага правилно да се постапува со жетвените остатоци, како и тие да се заоруваат и внесат во почвата. Жетвените остатоци може да се користат и како подна покривка за животните во шталите и да се вратат во почвата во форма на шталско ѓубриво. Стрништата и сламата после жетвата на житарки, маслодајна репка или пченка се сметаат за жетвени остатоци | |
| Анализата на почвените својства на секои пет години се врши за земјоделските парцели поголеми од 0,3 ha од страна на акредитирани лаборатории или релевантни институции. Врз основа на резултатите од анализата, а според својствата на почвата, секоја година се подготвува соодветен план за ѓубрење од страна на советодавното тело во земјоделството. Планот за ѓубрење изработен врз основа на неважечка или застарена анализа на почвените својства се смета за неважечки | |
| Посебни минимални услови за добра земјоделска пракса и заштита на водата | |
| Подземните води се важен извор на технолошка вода за индустријата и на вода за наводнување во земјоделството. Со цел да се зачува водата, потребна е дозвола пропишана со Законот за заштита на водите за да се ископа нов бунар во област којашто е веќе опремена со постоечки хидромелиоративен систем | |
| Корисникот којшто сака да го наводнува своето земјоделско земјиште користејќи го постоечкиот систем за наводнување треба да поднесе барање за дозвола за користење на водата или да склучи договор со органот надлежен за водостопанство пред да ја употреби водата. Инфраструктурата на хидромелиоративниот систем треба да се заштити и не се дозволени никакви активности што може да го попречат протокот на водата. | |
| Минералните ѓубрива што содржат азот и органските ѓубрива не се користат во рамките на заштитните појаси околу недозволените водни површини или извори на вода | |
| Течното органско ѓубриво не се користи на површини со наклон еднаков или поголем од 20% | |
| Минералните ѓубрива што содржат азот и органските ѓубрива не се користат на поплавени површини, површини заситени со вода, покриени со снег и замрзнати површини | |
| Привременото складирање на органските ѓубрива и силажа во бали не се врши во рамките на 10 m заштитен појас од брегот на водните тела или 25 m заштитен појас од изворите на вода и бунари | |
| Не се надминува горната граница на количеството азот што се произведува и користи во земјоделското стопанство лоцирано во поширокото подрачје на заштитена зона за вода за пиење | |
| На земјоделските стопанства кои одгледуваат повеќе од определен број животни изградени се складишта за органското ѓубриво коишто ги исполнуваат техничките спецификации | |
| Во земјоделското стопанство комплетирана е евиденцијата за употреба на азот на земјоделските парцели најдоцна до 30 април за примена на азотот во претходната календарска година | |
| Земјоделското стопанство коешто врши промет (давање, купопродажба или примање) на органско ѓубриво, води евиденција за прометот со наведување на количеството азот. | |
| Опасните супстанции, како што се минералните подмачкувачи, горива, моторни масла, фитосанитарни средства, медицински/ветеринарни производи не смеат да се испуштаат во животната средина. | |
| Фитосанитарните производи, медицинските/ветеринарните средства што се користат во земјоделското стопанство се складираат во обезбедени магацини одвоени од другите производи и не им се достапни на децата и животните. | |
| Празната амбалажа од фитосанитарните производи, медицинските/ветеринарните средства и нивните остатоци не се фрлаат во животната средина, туку им се предаваат на надлежните служби | |
| Водата што се користи за промивање на животните или чистење на изметот и другата отпадна вода не се испушта во водните тела или подземните води без дозвола од надлежните органи. | |
| Посебни минимални услови за добра земјоделска пракса при заштита на растенијата | |
| За заштита на растенијата, се користат само одобрените средства согласно упатството за производот. Средствата чијшто рок на употреба истекол се третираат како неодобрени производи | |
| Фитосанитарните средства не се користат во рамките на заштитниот појас од 10 m околу изворите на вода или на брегот на водните тела | |
| Фитосанитарни средства коишто се декларирани како опасни за пчелите, не се користат во фазата на цветањето општо. Во случај на исклучителни околности, може да се користат само контактни (а не систематски) фитосанитарни средства кои остануваат на површината на растението и влијаат врз штетните организми, а не се апсорбираат во растението, и тоа ноќе (најмалку 2 часа после зајдисонце, и 2 часа пред изгрејсонце) | |
| Пред примената на фитосанитарните средства што се декларирани како опасни за пчелите, земјоделците мора да ги известат пчеларите во рамките на 2 km заштитен појас за времето и местото на нивна примена | |
| Земјоделците кои применуваат фитосанитарни средства мора да водат писмена евиденција, како што е предвидено со законот, за: • набавка на средството (вид, количество) • употреба на средството (вид, количество, локација, датум, опрема) • преостаната залиха (вид, количество) | |
| Раното откривање на присуството на опасните болести и штетниците кај растенијата (штетните организми) е од суштинско значење за преземање брза и ефективна акција и брзо искоренување во случај на нивна појава или епидемија Затоа, потребен е мониторинг за да се утврди присуството или преваленцата на одредени карантински или нови потенцијално опасни болести и штетници. | |
| Примената на фитосанитарните средства може да се врши само при суви временски услови без ветар, со цел да се спречи нивното ширење на соседните парцели | |
| Примената на фитосанитарните средства не е дозволена на растојание од најмалку 20 m од пчелните кошници/сандаци, градинки, училишта, детски и спортски игралишта, здравствени установи, старечки домови или слични објекти | |
| Доколку фитосанитарните средства се прскаат со тракторска прскалка, таквиот уред мора редовно да се проверува пред да се употреби (да не протекува, перформансите на млазницата) | |
| Се користи соодветна заштитна опрема како што е предвидено во точката 2.3 од Прилогот кон Правилникот бр. 02-9882/3 за листата на посебните минимални услови за добра земјоделска пракса и заштита на животната средина | |
| Посебни минимални услови за добра земјоделска пракса при заштита на животните | |
| Земјоделското стопанство кое започнува да држи или одгледува животни, како што се: говеда, овци, кози, свињи и пчели мора да се регистрира во Централната електронска база на податоци за идентификација и регистрација на животни најдоцна 30 дена по пристигнувањето на животните на земјоделското стопанство. | |
| Врз животните на земјоделското стопанство се врши редовен мониторинг на нивното здравје и се третираат со мерки за здравствена заштита согласно Програмите за сузбивање и искоренување на заразни болести и Годишната наредба за здравствена заштита на животните На земјоделското стопанство се осигурува правилна употреба на адитиви во храната и ветеринарски медицински средства. Се советува да се врши и мониторинг на внатрешните и надворешните паразити кај животните и животните редовно да се лекуваат. Се чува сета документација поврзана со добиените услуги за заштита на здравјето на животните. | |
| Во случај на знаци кои укажуваат дека животното е заболено или кои укажуваат на присуство на заразни болести, одгледувачот мора веднаш да преземе мерки и да го одвои животното од здравите животни и да спречи нивен контакт Одгледувачот мора веднаш да го извести овластеното ветеринарно друштво кога ќе се појават знаци на заразна болест или кога постои сомневање за тоа. Одгледувачот мора да ги почитува мерките пропишани од ветеринарот. | |
| Анализата (елаборатот) од оцена на влијанието врз животната средина треба да се направи пред да се започне со животинското производство на земјоделското стопанство коешто има број на места за следниве животни еднаков или поголем од: Несилки: 20,000 Бројлери: 40,000 Свињи (над 30 kg): 1,000 Маторици: 350 | |